Tuesday, March 2, 2010

अत्रे म्हणे: अप्रेझलचे अभंग शो(श्लो)क

रीसेशन आले | सेन्सेक्स पडले
राजू घरी गेले | शिक्षामात्र मला || १||

पगार कापला | भत्ताहि छाटला
करहि वाढला |  अपरीमित || २||

चाले हप्त्यांचा नांगर |  वाढे कर्जाचा डोंगर
मित्रहि उधार |  देईनात || ३||

काळोख दाटे |  खिसा माझा फाटे
महिना वाटे  |  खूप मोठा || ४ ||

मालक भुंकती | जमा खर्च मांडती
पिंकस्लीपची भीती |  सदोदित || ५||

वर्ष आले-गेले | चैतन्य लोपले
ब्यालंस संपले | बँकेतले || ६||  

तरी केले काम |  घाळला घाम
मुखातही राम | ठेवियला || ७||

अंगी नाना कळा | पण धाडसनाही बाळा
पुन्हा मालकाचाच मळा | फुलवला || ८||  

शेअर वाढले |  अप्रेझल आले
मोर नाचले |  मनी थुईथुई || ९||

देवाला साखर |  साहेबाला मखर
कामाची पाखर |  परि वायागेली || १०||

बंगाली लॉबी |  मल्लू बॉबी
मराठी डाळ-कोबी | इथे शिजेचनां || ११ ||

दाखवली तळमळ | केली पळापळ
तरी माझा परिमळ |  दरवळेचनां || १२||


आधीच जो वेलपेड |  त्यालाच वरची ग्रेड
आमची तडफड  | जाणवेचना || १३ ||

अत्रे म्हणे आता:--

काढू नको गळा | कोणा न कळवळा
नोकरी कैवल्यसोहळा | समज आता || १४||

जाळ मोहाची लंका |  वाजव परमार्थाचा डंका
भवितव्याची शंका | धरू नको || १५||

ज्याने दिली चोच |  तोच देईल रे चारा
विठ्ठलावर भार सारा |  टाक आता || १६ ||  
====================
विठ्ठल विठ्ठल विठ्ठल विठ्ठल विठ्ठल विठ्ठल
=========
पुणेकर बुवा तळटीप लिहित नाहीत. पाटी लिहितात. पुण्याबाहेरील वाचकांसाठी हि पुणेरी पाटी:
"टाक आता" हा जरी सर्व दुखण्यान्वरचा जालीम व अक्सीर इलाज असला तरी त्याला प्रायोजक लागतो. नाहीतर आधीच उल्हास त्यात फाल्गुनमास अशी अवस्था व्हायची. प्रायोजक नसल्यास या शब्दाचा वेगळा अर्थ काढू नये. आधीच्या ओळीशी जुळवून वाचा-- अत्रे म्हणे)
=======










11 comments:

Snehal said...

EK NUMBER.... Kalla post.......

Kulprasad said...

क्या बात है सर... तुकाराम बीज निम्मित्त अभंग...
(त्यावर एक प्रतिक्रिया.. )

'अपरेझल भविष्यवाणी'

जरी अपरेझल झाले, तरी 'गेलेलेची' आले I
काळ कसाही असेना, पण चालूच सोहळे... II

पार्टया होती धडाधड, तरी नाही पगारवाढ I
कितीही असेनाका 'लॅक', फक्त होई रोलबॅक.... II

Anonymous said...

jiwala bhaar |vedna hoti phar ||
pan to ahe | sarvancha taran haar ||

sahan kara thode | ankhi kahi kaal ||
aplya galyat asel| vijayachi maal ||

kara saajra `anand’ | theva ani vishwas ||
hoil lavkarach | kahi tari khaas ||

Anonymous said...

अभिजित, काव्य झकास आहे! 'अत्रे म्हणे' ऐवजी 'अत्रे उवाच' जास्त उजवे वाटते..

Prashant said...

Kupach mast Abhijit

abhay kulkarni said...

naka atreraya, karu naka shok,
nokarichi hich vedana eak.

Anonymous said...

Sir, tumhi saglyanna kavita lihayla inspire kele... maximum comments kavita / abhang form madhe ahet... kya baat hai... :)

Swati

Niranjan Phadke said...

Atre ata tumhi ovikar pan zalat...

Anonymous said...

Atre ekdum mastach. Tumhe anek Tukaram jaage kelet. Asech chalu rahile tar tumcha parimal nakkich darvalnar
manjiri

Anonymous said...

wa wa atre farach sunder shevatche taka ata che je tumhi nirupan kele ahe te pharach chhan

tenva mhana ata pundlik warda hari vitthal, atre maharaj ki jai
makarand

Parag Karandikar said...

Lage raho
parag