Posts
सोडू नको एकटे मला सांजवेळी
श्वासात भास होती, मला कातरवेळी||धृ।
मिटल्या पंखातून
मिटती गाणी फिटते नभातून
केशराचे पाणी
व्याकूळ करे मला, घर चंद्रमोळी
सोडू नको एकटे, मला सांजवेळी||१||
थरारून हले पान, थरारते डहाळी
दबाधरून उभी दिसे, तिथे रात्रकाळी
पश्चिमेच्या वाऱ्यातून
उदास कहाणी
दाही दिशातून
दाटती आठवणी
दिव्या दिव्यात आज, दिसे काजळी
सोडू नको एकटे, मला सांजवेळी|| 2||
==============
अभिजित अत्रे
==============
