Wednesday, April 13, 2011

प्रगती? ...फसवणूक.

साईबाबाच्या मुकुटावर
हिऱ्याचे कोंदण
राबणाऱ्या हातावर
आभावाचे गोंदण

देवीच्या ओटीला
चांदीचे जर
ठिगळाच्या साडीला
वेदनेचे अस्तर

समतेच्या सारीपाटावर
सेन्सेक्सच्या रेषा
निवडणुकीच्या प्रचारावर
मार्क्सची भाषा

प्रगतीच्या आलेखावर
फोर्ब्सची यादी
राजाच्या श्रीमंतीवर
भुलतात प्यादी

अढळपदी पोचवी
मर्सिडीजचा तारा
ध्रुवाला जोजवी
मेळघाटचा वारा

उबदार घरट्यात
आत्ममग्न चिवचिवाट
विद्वान दिवाणखान्यात
वांझ थयथयाट

अजून किती फसवणार आपण?
स्वतःलाच.
============
अभिजित अत्रे
=============

3 comments:

Anonymous said...

उबदार घरट्यात......Khupach chhan, antarmukh karayla lavnari....Vijay

Veedee said...

उबदार घरट्यात ...


मस्त आवडली कविता .. ढापावीशी वाटणारी कविता !

abhay narhar joshi said...

Sir, Kavita awadlya, kavi mhanun tumchi swtantra oolakh nirman karnyas harkat nahi. Kinchit kavinpeksha khupach ucch darjachi tumchi kavita aahe.