Posts
जबाब
********
पापणीआड अश्रू कोणी कोंडले
ओठांवर शब्द कोणी कोंडले
कसे पाखरांनी आता मुक्त गावे
पिंजऱ्यात आकाश कोणी कोंडले
घाट रस्त्यावर आज शुकशुकाट कसा
झाडांचे टाहो, कुणी कोंडले
सभास्थळी का हा कुबट वास आहे
पश्चिमेच्या वाऱ्याला कोणी कोंडले
अजून विखाराला का धार आहे
गहिवरले श्वास कोणी कोंडले
होत नाही आता तो मिरवणुकीत सामील
महापुरूषांना जातीत कोणी कोंडले
वाढत्या तमाला कसा बोल लावू
स्वतःला तळघरात, कोणी कोंडले
त्याने का संपविली बांधावर यात्रा
लाल बहादुरांच्या हाकेला कोणी कोंडले
विद्वानांच्या गल्लीत हा लिलाव कसला
कमलदलात भुंग्यांना कोणी कोंडले
कमलदलात भुंग्यांना कोणी कोंडले
चिमुरडीच्या डोळ्यात भीती का आहे
अशोकवनात सीतेला पुन्हा कोणी कोंडले
सांगा त्या माऊलीला काय जबाब देऊ
विश्वाचे आर्त कोणी कोंडले
*********************
©️ अभिजीत अत्रे. पुणे
०५ ओक्टोबर २०२४
**********************
विश्वाचे आर्त कोणी कोंडले
*********************
©️ अभिजीत अत्रे. पुणे
०५ ओक्टोबर २०२४
**********************
